09.10.2022წ.
ონის 17 წლამდელთა კალათბურთის გუნდმა ამბროლაურის მუნიციპალიტეტის სასპორტო სკოლაში გამართულ ტარიელ და კობა კობახიძეების ხსოვნისადმი მიძღვნილ კალათბურთის ტურნირში მიიღეს მონაწილეობა.
ტურნირში ასევე მონაწილეობდნენ, ამბროლაურის, ცაგერის, ბორჯომის, ტყიბულისა და საჩხერის გუნდები.
საფინალო შეხვედრა ონისა და საჩხერის გუნდებს შორის გაიმართა, სადაც ონის გუნდმა ღირსეული გამარჯვება მოიპოვა.
ვულოცავ ააიპ “ონის სასპორტო სკოლის” პედაგოგებს და გუნდის თითოეულ წევრს აღნიშნულ გამარჯვებას და წარმატებებს ვუსურვებ მათ სპორტულ კარიერაში.
სერგი ხიდეშელი
ონის მუნიციპალიტეტის მერი