08.05.2023წ.
8 მაისს ონის მუნიციპალიტეტის ადგილობრივი განვითარების სტრატეგიაზე მომუშავე ჯგუფის სამუშაო შეხვედრა გაიმართა.
შეხვედრები შედგა როგორც სამუშაო ჯგუფთან, ასევე, ადმინისტრაციულ ერთეულებში მერის წარმომადგენლებთან. მხარეებმა იმუშავეს მუნიციპალიტეტის განვითარების სტრატეგიის სიტუაციურ ანალიზზე, განიხილეს გამოწვევები, შესაძლებლობები. ასევე, განიხილეს პროექტები, რომლებიც ხელს შეუწყობენ მუნიციპალიტეტის სოციალურ-ეკონომიკურ განვითარებას.
შეხვედრის დასასრულს მხარეებმა პრობლემების უკეთ გაცნობის მიზნით, დასახეს სამომავლო გეგმები. ღია დიალოგის ფარგლებში, USAID-ის ძლიერი სოფლის პროგრამის წარმომადგენლები, განვითარების სტრატეგიის დოკუმენტზე მომუშავე ჯგუფის წევრებთან ერთად, შეხვდებიან ადგილობრივ მოსახლეობას.
აღნიშნული პროექტი USAID-ის ძლიერი სოფლის პროგრამისა და ონის მუნიციპალიტეტს შორის გაფორმებული ურთიერთგაგების მემორანდუმის ფარგლებში ხორციელდება.