15.11.2023წ.
ონის მუნიციპალიტეტის მერმა – სერგი ხიდეშელმა, პირველ მოადგილე – გიორგი ნოდარიშვილთან და მოადგილე ლევან შერაზადიშვილთან ერთად, სამუშაო შეხვედრა გამართა ადმინისტრაციულ ერთეულებში მერის წარმომადგენლებთან.
შეხვედრაზე სერგი ხიდეშელმა მერის წარმომადგენლებს, მუნიციპალიტეტის 2024 წლის მთავარ საფინანსო დოკუმენტში პრიორიტეტად განსაზღვრულ ინფრასტრუქტურულ პროექტების შესახებ გააცნო ინფორმაცია, ასევე განიხილა ის პროექტები, რომლებზეც სატენდერო პროცედურები უკვე მიმდინარეობს, ხოლო სამუშაოების დაწყება წლის ბოლომდე იგეგმება.
მუნიციპალიტეტის მერმა, წარმომადგენლებს დაავალა შესაბამის ადმინისტრაციულ ერთეულებში საზოგადოებრივ სამუშაოებზე დასაქმების ხელშეწყობის პროგრამის ფარგლებში, დასაქმებულ ბენეფიციართა მიერ სამუშაოების ჯეროვნად შესრულების და ყოველდღიურ აღრიცხვის ფორმების წარმოების კონტროლი, ასევე მაღალმთიან დასახლებაში მუდმივად მცხოვრები პირის ყოველი კალენდარული წლის განმავლობაში, მაღალმთიან დასახლებაში ჯამში 9 თვის ან 9 თვეზე მეტი ვადით ფაქტობრივად ცხოვრების მონიტორინგის განხორციელება.
შეხვედრაზე, ასევე იმსჯელეს ადმინისტრაციულ ერთეულებში განსახორციელებელ საკითხებზე, საჭიროებებზე და სამომავლო გეგმებზე.
შეხვედრას ესწრებოდნენ რაჭა-ლეჩხუმ სვანეთის მაჟორიტარი დეპუტატის გოჩა ენუქიძის ბიუროს წარმომადგენელი ონში – ირმა ჩიხრაძე და ადმინისტრაციული სამსახურის, სოციალური და ჯანმრთელობის დაცვის განყოფილების ხელმძღვანელი