ონის მუნიციპალიტეტის მერი სერგი ხიდეშელი ონის მუნიციპალიტეტის სპორტსმენებს – თორნიკე სამხარაძეს, გიორგი ჩიხრაძეს და ლუკა გუგეშაშვილს შეხვდა

21.04.2022წ.

ონის მუნიციპალიტეტის მერი სერგი ხიდეშელი, მოადგილეებთან – გიორგი ნოდარიშვილთან და ლევან შერაზადიშვილთან ერთად, ონის მუნიციპალიტეტის სპორტსმენებს – თორნიკე სამხარაძეს, გიორგი ჩიხრაძეს და ლუკა გუგეშაშვილს შეხვდა.
შეგახსენებთ, რომ მ/წ 13-14 აპრილს ქ.გურჯაანში გამართულ საქართველოს პირველობაზე თავისუფალ ჭიდაობაში ჭაბუკებს შორის, სამივე სპორტსმენი, მეორე საპრიზო ადგილს დაეუფლა.
ადგილობრივი ხელისუფლების წარმომადგენლებმა ახალგაზრდებს მიულოცეს მეორე საპრიზო ადგილის დაკავება და კარიერაში წარმატებები უსურვეს. თავისუფალ ჭიდაობაში მიღწეული წარმატებისთვის და სპორტის პოპულარიზაციისთვის ონის მუნიციპალიტეტის მერის – სერგი ხიდეშელის გადაწყვეტილებით, 2022 წლის იანვრიდან, საქართველოს ჩემპიონატში გამარჯვებულ სპორტსმენებს ფულადი ჯილდოები გადაეცემათ.
“მიხარია თითოეული თქვენგანის წარმატება. მინდა მოგილოცოთ და კიდევ უფრო დიდი წარმატებები გისურვოთ. სპორტზე ზრუნვა და მისი განვითარების ხელშეწყობა ადგილობრივი ხელისუფლების ერთ-ერთ მთავარ პრიორიტეტს წარმოადგენს. მუნიციპალიტეტი კვლავ გააგრძელებს წარმატებული სპორტსმენების წახალისებას და იმედი მაქვს, რომ ჩვენი მხარდაჭერა, სტიმულს მისცემს სხვა ახალგაზრდებსაც” – შეხვედრის დასასრულს განაცხადა ონის მუნიციპალიტეტის მერმა სერგი ხიდეშელმა.
შეხვედრას ასევე ესწრებოდნენ ახალგაზრდა სპორტსმენების აღმზრდელები, საქართველოს დამსახურებული მწვრთნელები თავისუფალ ჭიდაობაში ტარიელ ბერელიძე და პაპუნა გძელიშვილი

Related posts

ონის მუნიციპალიტეტის მერის მოადგილე- ლევან შერაზადიშვილი მურმან ლებანიძის სახელობის პრემიით ახალგაზრდების და სოფლის ერთგული უხუცესის დაჯილდოების ღონისძიებას დაესწრო

ქალაქ ონში, გიგა ჯაფარიძის სახელობის კულტურის სახლში, ონის მუნიციპალიტეტის მერიის მხარდაჭერით ტრიო “აპრილიას” კონცერტი გაიმართება

თავისუფალი სტილით ჭიდაობაში, მსოფლიოს ვიცე ჩემპიონს გიორგი მეშვილდიშვილს, გულშემატკივრებმა, მშობლიურ ქალაქში, დახვედრა მოუწყვეს