ონის მუნიციპალიტეტის მერიაში სამუშაო შეხვედრა გაიმართა

17.06.2021წ.

ონის მუნიციპალიტეტის მერიაში სამუშაო შეხვედრა გაიმართა.
ონის მუნიციპალიტეტის მერი დავით ჩიკვაიძე და საკრებულოს თავმჯდომარე შუქურა ჯაფარიძე, მოადგილეებთან და მერიის შესაბამისი სამსახურების წარმომადგენლებთან ერთად, პროგრამის – „კარგი მმართველობა ადგილობრივი განვითარებისთვის სამხრეთ კავკასიაში“ ფარგლებში, საქართველოს ადგილობრივ თვითმმართველობათა ეროვნული ასოციაციის აღმასრულებელი დირექტორის მოადგილეს, CEMR-ში ეროვნულ კოორდინატორს, გენდერის ექსპერტს ნათია ღვინაშვილს და ექსპერტს – ადგილობრივი ეკონომიკური განვითარების საკითხებში, შორენა კოჭლამაზაშვილს შეხვდნენ.
შეხვედრაზე, სამუშაო ჯგუფის წევრებს, პროექტის დეტალები და საკონკურსო პირობები გააცნეს.
პროექტის განხილვის შემდეგ, მხარეებმა ბიზნეს იდეების კონკურსის გამოცხადების თარიღსა და ვადებზე, ასევე, ინფორმაციის გავრცელების ფორმებზეც იმსჯელეს.
ერთხმად მიღებული გადაწყვეტილების თანახმად, კონკურსი 15 ივნისს გამოცხადდება, რომელშიც სამიზნე მუნიციპალიტეტებში რეგისტრირებულ და მცხოვრებ, 18 წელს მიღწეულ ყველა ქალს შეეძლება მონაწილეობის მიღება.
გენდერული ბალანსის ხელშეწყობის მიზნით მიმდინარე საგრანტო კონკურსი, გერმანიის საერთაშორისო თანამშრომლობის საზოგადოების (GIZ) მხარდაჭერითა და გერმანიის ეკონომიკური თანამშრომლობისა და განვითარების ფედერალური სამინისტროს (BMZ) დაკვეთით, პროგრამის – „კარგი მმართველობა ადგილობრივი განვითარებისთვის სამხრეთ კავკასიაში“ (GGLD) ფარგლებში განხორციელდება.

Related posts

ონის მუნიციპალიტეტის მერის მოადგილე- ლევან შერაზადიშვილი მურმან ლებანიძის სახელობის პრემიით ახალგაზრდების და სოფლის ერთგული უხუცესის დაჯილდოების ღონისძიებას დაესწრო

ქალაქ ონში, გიგა ჯაფარიძის სახელობის კულტურის სახლში, ონის მუნიციპალიტეტის მერიის მხარდაჭერით ტრიო “აპრილიას” კონცერტი გაიმართება

თავისუფალი სტილით ჭიდაობაში, მსოფლიოს ვიცე ჩემპიონს გიორგი მეშვილდიშვილს, გულშემატკივრებმა, მშობლიურ ქალაქში, დახვედრა მოუწყვეს