ონის მუნიციპალიტეტის მერიაში მუნიციპალიტეტის მერის ემზარ საბანაძის ხელმძღვანელობით, ახალი კორონავირუსის გავრცელებასთან დაკავშირებით პრევენციულ ღონისძიებებზე მომუშავე კოორდინაციის სამუშაო ჯგუფის მორიგი საგანგებო შეხვედრა გაიმართა

24.03.2020წ.

ქვეყანაში საგანგებო მდგომარეობის გამოცხადებასთან დაკავშირებით ონის მუნიციპალიტეტის მერიაში მუნიციპალიტეტის მერის ემზარ საბანაძის ხელმძღვანელობით, ახალი კორონავირუსის გავრცელებასთან დაკავშირებით პრევენციულ ღონისძიებებზე მომუშავე კოორდინაციის სამუშაო ჯგუფის მორიგი საგანგებო შეხვედრა გაიმართა.

შეხვედრაზე ემზარ საბანაძემ სამედიცინო სფეროს წარმომადგენლებისგან მუნიციპალიტეტში ამ დროისთვის არსებული ვითარების შესახებ ინფორმაცია მოისმინა.

მედიკოსთა თქმით, მუნიციპალიტეტში ამ ეტაპზე არსებული სიტუაცია სრულად კონტროლს ექვემდებარება.

ემზარ საბანაძის განცხადებით, საგანგებო მდგომარეობის გამოცხადების შემდეგ თითოეული მოქალაქის პასუხისმგებლობა როგორც საკუთარი თავის, ასევე გარშემომყოფების და ქვეყნის მიმართ კიდევ უფრო გაიზარდა, სასიცოცხლოდ აუცილებელი ხდება თითოეული რეკომენდაციის ზედმიწევნით დაცვა და გათვალისწინება, მას შემდეგ განსაკუთრებით, რაც ქვეყანაში ვირუსის შიდაგადაცემის ფაქტი დაფიქსირდა.

ონის მუნიციპალიტეტის მერის თქმით, ფაქტის რეალური შეფასება, არსებული სიტუაციის გაცნობიერება, შესაბამისად ადეკვატური მიდგომა თითოეული მოქალაქის მხრიდან გაცემული რეკომენდაციების მიმართ, პირველი წარმატებული და გადამწყვეტი ნაბიჯი იქნება ვირუსთან ბრძოლის საქმეში.

Related posts

ტურისტული სეზონი ოფიციალურად ონის მუნიციპალიტეტში 23 ივნისს გაიხსნება

რაჭა-ლეჩხუმ ქვემო სვანეთის სახელმწიფო რწმუნებულმა პაპუნა მარგველიძემ, ონის მუნიციპალიტეტის სოფელ ფარახეთში, სოფლამდე მისასვლელი გზის სარეაბილიტაციო სამუშაოები დაათვალიერა

რაჭა-ლეჩხუმ ქვემო სვანეთის სახელმწიფო რწმუნებული პაპუნა მარგველიძე, ონში სახელაშვილის დასახლების მიმდებარე ტერიტორიის სარეაბილიტაციო სამუშაოებს გაეცნო