19.11.2025წ.
ონის მერი დავით ლობჟანიძე მუნიციპალიტეტის ბაგა-ბაღების ხელმძღვანელ პირებს, სკოლამდელი აღზრდისა და განათლების ალტერნატიული ცენტრების წარმომადგენლებს შეხვდა.
ონის მერმა, განათლების სფეროს წარმომადგენლებთან ერთად, მუნიციპალიტეტში საგანმანათლებლო მიმართულებით არსებული საჭიროებები და გამოწვევები მიმოიხილა და მათ მხარდაჭერა აღუთქვა.
შეხვედრის დასრულების შემდეგ დავით ლობჟანიძემ განათლების ალტერნატიულ ცენტრებს, სასწავლო პროცესის შეუფერხებლად განხორციელების უზრუნველსაყოფად, სხვადასხვა სახის მეთოდოლოგიური მასალები, საგანმანათლებლო რესურსები, მათ შორის, მხატვრული ლიტერატურა და სათამაშოები გადასცა.