ნებართვები

  I კლასის  შენობა-ნაგებობის მშენებლობა ექვემდებარება მშენებლობის მარტივ შეტყობინებას.

• დაინტერესებული პირი მიმართავს მუნიციპალიტეტის მერიას განცხადებით. განცხადება იწერება მერის სახელზე, რის საფუძველზეც გაიცემა თანხმობა მერის ბრძანების სახით.
• I  კლასზე მშენებლობის შეთანხმება მოსაკრებლის გადახდას არ ექვემდებარება.
• განმცხადებელი შეიძლება იყოს მიწის ნაკვეთის მესაკუთრე ან მის მიერ უფლებამოსილი  პირი.

I  კლასის მშენებლობაზე წარმოსადგენი დოკუმენტაცია:

1. პირადობის მოწმობის ასლი.
2. ინფორმაცია მიწის ნაკვეთის საკუთრების შესახებ
3. არქიტექტურული ესკიზი 3 ეგზემპლარად, ელ. ვერსიით.

• • თავფურცელი (ობიექტის დასახელება და მისამართი)
  • განმარტებითი ბარათი
  • შენობა-ნაგებობის ტექნიკური მაჩვენებლები (მიწის ნაკვეთის ფართობი, მიწის ნაკვეთის განაშენიანების ფართობი, შენობა-ნაგებობის ფართობი, მიწის ნაკვეთის სქემატური გეგმა მიწის ნაკვეთის საკადასტრო საზღვრების, ღერძების ხაზების, ძირითადი გაბარიტული ზომების, ძირითად ჰორიზონტალურ და ვერტიკალურ ნიშნულებს, მიწის ნაკვეთზე საპროექტო შენობა-ნაგებობის განთავსების და სხვა ასპექტების ასახვით);
  • შენობა-ნაგებობის კლასის განმსაზღვრელ პარამეტრებს;
  • შენობა-ნაგებობის ფასადების სქემატურ ნახაზებს (საკადასტრო საზღვრის პროექციის, ღერძების ხაზების, ძირითადი გაბარიტული ზომების, ძირითადი ვერტიკალური ნიშნულების, გრუნტის ზედაპირის გადაკვეთის დონეების ჩვენებით, ასევე, ფასადებზე გამოყენებული ძირითადი მოსაპირკეთებელი მასალისა და მათი ფერების მითითებით);

4. საჭიროების შემთხვევაში, დამატებით წარდგენილი უნდა იქნეს:

• • ა) მიწის ნაკვეთის არსებული მდგომარეობის ამსახველი სიტუაციური გეგმა სათანადო დეტალიზაციით (მდებარეობა საქალაქო ქუჩების მიხედვით) ან/და ორთოფოტოგეგმა;
  • ბ) შენობა-ნაგებობის მახასიათებელი სქემატური ჭრილები (საკადასტრო საზღვრის პროექციის, ღერძების ხაზების, ძირითადი გაბარიტული ზომების, ძირითადი ვერტიკალური ნიშნულების, გრუნტის ზედაპირის გადაკვეთის დონეების ჩვენებით);
  • გ) შენობა-ნაგებობის ყველა სართულისა და სახურავის სქემატური გეგმები (საკადასტრო საზღვრის პროექციის, ღერძების ხაზების, ძირითადი გაბარიტული ზომების, ძირითადი ვერტიკალური ნიშნულების ჩვენებით);
  •  მშენებლობის ნებართვა გაიცემა   II, III და IV კლასის მშენებლობაზე. მშენებლობაზე მოსაკრებელის ოდენობა განსაზღვრულია საკრებულოს დადგენილებით.  მშენებლობის განხორციელების ვადა განისაზღვრება სანებართვო მოწმობით.

მე-II, მე-III და მე-IV კლასის შენობაზე სანებართვო განაცხადი უნდა მოიცავდეს:

1. ინფორმაციას მიწის ნაკვეთისა და შენობა-ნაგებობის (არსებობის შემთხვევაში) საკუთრების შესახებ;
2. მიწის ნაკვეთის სამშენებლოდ გამოყენების პირობების დამტკიცების შესახებ ადმინისტრაციულ-სამართლებრივ აქტს ან ინფორმაციას განაშენიანების დეტალური გეგმის შესახებ;
3. წინასაპროექტო კვლევის შედეგებს;
4. არქიტექტურულ პროექტს
5. კონსტრუქციული სქემას/პროექტს
6. მშენებლობის ორგანიზების პროექტს;
7. საინჟინრო-გეოლოგიურ კვლევას
8. საქართველოს კანონმდებლობით გათვალისწინებულ შემთხვევებში − არქიტექტურული პროექტის, საინჟინრო-გეოლოგიური კვლევის, კონსტრუქციული სქემის/პროექტის, აკრედიტებული ინსპექტირების ორგანოს ან/და სერტიფიცირებული ექსპერტის დასკვნას;
9. სანებართვო მოსაკრებლის გადახდის დამადასტურებელ დოკუმენტს;
10. საინფორმაციო დაფის ამსახველ ფოტოსურათებს.

გარე რეკლამის განსათავსებლად დაინტერესებული პირი მიმართავს მუნიციპალიტეტის მერიას განცხადებით. განცხადება იწერება მერის სახელზე, რის საფუძველზეც გაიცემა მერის ბრძანება   გარე რეკლამის განთავსების შეთანხმების  შესახებ.

წარმოსადგენი დოკუმენტაცია:

1. მიწის ნაკვეთის/შენობის  მფლობელის დამადასტურებელი დოკუმენტაცია
2. არქიტექტურული ესკიზი 3 ეგზემპლარად, ელ. ვერსიით.
3. პირადობის მოწმობის ასლი

ექსპლუატაციაში მიღებისათვის ვარგისად აღიარება  ნიშნავს დასრულებული მშენებლობის სამშენებლო/სანებართვო პირობებთან შესაბამისობის საბოლოო დადგენას.

შენობა-ნაგებობების ექსპლუატაციაში მიღებისათვის ვარგისად აღიარების შესახებ განცხადებას თან უნდა დაერთოს:

ბ) შენობა-ნაგებობის საბოლოო მდგომარეობის ამსახველი ნახაზები, 3 ეგზემპლარად,
გ) შენობა-ნაგებობის ამსახველი ფოტოები;
დ) საკადასტრო აზომვითი ნახაზი, შენობა-ნაგებობის დატანით;
ე) III და IV კლასის ინდივიდუალური საცხოვრებელი სახლის მშენებლობის შემთხვევაში, საექსპერტო შეფასება-შედგენილი  აკრედიტებული ინსპექტირების ორგანოს/სერტიფიცირებული ექსპერტის მიერ.