ადმინისტრაციულ ერთეულებში მერის წარმომადგენლებთან და საკრებულოს დეპუტატებთან.
თათბირს ესწრებოდა ონის მუნიციპალიტეტის საკრებულოს თავმჯდომარე შუქურა ჯაფარიძე.
შეხვედრაზე მერმა დამსწრე საზოგადოებას წარუდგინა პირველი მოადგილე დიმიტრი საყვარელიძე.
თათბირის მსვლელობისას განსაკუთრებული ყურადღება ინფრასტრუქტურული პროექტების განხილვას და მიმდინარეობას დაეთმო.
მუნიციპალიტეტის მერმა შესაბამის სამსახურებს მოუწოდა, ნებისმიერი პროექტის შესრულებისას მაქსიმალურად გაკონტროლდეს ხარისხი და ხელშეკრულებით გათვალისწინებული ვადები.
მერის წარმომადგენლებმა დეტალური ინფორმაციები წარმოადგინეს ადმინისტრაციულ ერთეულებში არსებულ ყოფით პრობლემებესა და პრიორიტეტულ საკითხებზე , რომლებიც მყისიერ რეაგირებას საჭიროებს, მათ შორის განიხილეს სოფლებში საპენსიო ასაკის მოქალაქეების მომსახურების გაუმჯობესების საკითხი.
ონის მუნიციპალიტეტის მერის მოადგილემ ეკა მაისურაძემ მადლობა გადაუხადა მერის წარმომადგენელს პაატა ჯაფარიძეს, ასევე სოფლის დეპუტატს გიორგი სულაძეს ზუდალი – სევის გზაზე განხორციელებული დასუფთავების აქციის ორგანიზების გამო და მოუწოდა მერის წარმომადგენლებს ინიციატივა საკუთარ ადმინისტრაციულ ერთეულებშიც განახორციელონ.