ქალაქ ონში, გიგა ჯაფარიძის სახელობის ბულვარში, ღია სცენაზე საახალწლო ღონისძიება გაიმართა

31.12.2021წ.

ქალაქ ონში, გიგა ჯაფარიძის სახელობის ბულვარში, ღია სცენაზე საახალწლო ღონისძიება გაიმართა.
ადგილობრივი ხელისუფლების წარმომადგენლებმა მუნიციპალიტეტის მოსახლეობას და ღონისძიების მონაწილეებს დამდეგი 2022 წელი მიულოცეს.
ონის მუნიციპალიტეტის მერმა სერგი ხიდეშელმა 2021 წლის წარჩინებული მოსწავლები, მარიამ საძაგლიშვილი და ლიკა ბიჭაშვილი დააჯილდოვა.
 ღონისძიება საახალწლო კონცერტით გაგრძელდა, რომელშიც მონაწილეობას იღებდნენ შალვა ჯაფარიძის სახელობის ანსამბლი „ რაჭა“, ონის კულტურის სახლის, სამუსიკო სკოლის და მოსწავლე ახალგაზრდობის სახლის შემოქმედებითი კოლექტივები და ინდივიდუალური შემსრულებლები.
თოვლის ბაბუამ ბავშვები საახალწლო საჩუქრებით დააჯილდოვა.
ონის მუნიციპალიტეტში საახალწლო ღონისძიება ფეიერვერკით დაგვირგვინდა.

Related posts

ახალი წლის დღეები იწყება

დიდთოვლობის გამო გზების წმენდა ონის მუნიციპალიტეტში აქტიურად გრძელდება

დიდთოვლობის შედეგად შექმნილი პრობლემების აღმოსაფხვრელად ონის მუნიციპალიტეტში ყველა საჭირო ღონისძიება გატარდა