ონში, დავით აღმაშენებლის სახელობის ცენტრალურ მოედანზე ქალაქის მთავარი ნაძვის ხე აინთო

27.12.2023წ.

ონში, დავით აღმაშენებლის სახელობის ცენტრალურ მოედანზე ქალაქის მთავარი ნაძვის ხე აინთო.
რამდენიმე დღეა ონის მუნიციპალიტეტში წინასაახალწლო განწყობაა.
ქალაქის შემოსასვლელში არსებული გადმოსახედი, დემეტრე II და დავით აღმაშენებლის მოედანი, გიგა ჯაფარიძის სახელობის ბულვარი, მოედნის, ვახტანგ VI და სააკაძის ქუჩაზე არსებული სკვერები სრულიად ახალი დიზაინით, საახალწლო განათებებით და დეკორაციებით დამშვენდა. ქალაქის ქუჩებში ილუმინაციები დამონტაჟდა.
საახალწლო ილუმინაციების ნაწილი საქართველოს მთავრობის გადაწყვეტილებით, ონის მუნიციპალიტეტს საჩუქრად გადაეცა.
დღევანდელ ღონისძიებას ესწრებოდნენ რაჭა-ლეჩხუმ-ქვემო სვანეთის მხარის სახელმწიფო რწმუნებულის პირველი მოადგილე-ქრისტინა კობახიძე, ონის მუნიციპალიტეტის მერი -სერგი ხიდეშელი, საკრებულოს თავმჯდომარე ბაჩანა მარკოიშვილი და ადგილობრივი ხელისუფლების წარმომადგენლები.
სერგი ხიდეშლმა დამდეგი შობა-ახალი წელი მიულოცა ონელ მოსახლეობას და სრულიად საქართველოს.
ღონისძიება ფოიერვერკით დასრულდა.

Related posts

რაჭა-ლეჩხუმ ქვემო სვანეთის სახელმწიფო რწმუნებულის პირველი მოადგილე ქრისტინა კობახიძე, ადგილობრივი ხელისუფლების წარმომადგენლებთან ერთად, ამირან სხიერელის ხსოვნისადმი მიძღვნილ საკალათბურთო ტურნირის გახსნას დაესწრო

2024-2025 სასწავლო წლის მეორე სემესტრის წარმატებული სტუდენტებისთვის ონის   მუნიციპალიტეტის მერის სტიპენდიის მინიჭების კონკურსი დაიწყო

ქალაქ ონის სასპორტო სკოლის კომპლექსში გაიმართება ევროპის ჩემპიონთა თასის მფლობელის, თბილისის დინამოს“ მწვრთნელის,საერთაშორისო კლასის სპორტის ოსტატის,საქართველოს დამსახურებული მწვრთნელის, ღირსების ორდენის კავალერის – ამირან სხიერელის ხსოვნისადმი მიძღვნილი რესპუბლიკური ტურნირი კალათბურთში