ონის მუნიციპალიტეტში სტიქიის სალიკვიდაციო სამუშაოები აქტიურ რეჟიმში მიმდინარეობს

14.12.2020წ.

ონის მუნიციპალიტეტში სტიქიის შედეგების სალიკვიდაციო სამუშაოები, კვლავ, აქტიურ რეჟიმში მიმდინარეობს.
 სახელმწიფო რწმუნებულის მოვალეობის შემსრულებელმა, გიორგი მაქარაშვილმა, ონის მუნიციპალიტეტში 28-29 ივლისს მომხდარი სტიქიის სალიკვიდაციო სამუშაოები, მუნიციპალიტეტის ხელმძღვანელ პირებთან ერთად მოინახულა და ვითარებას ადგილზე გაეცნო.
 ამ ეტაპზე სამუშაოები სამ სოფელში (უწერა, სორი, ლაგვანთა) მიმდინარეობს.
 სოფელ უწერაში წყალსადენის რეაბილიტაცია, ხოლო სორსა და ლაგვანთაში მდინარის ნაპირსამაგრი სამუშაოები ხორციელდება.
 სტიქიამ მნიშვნელოვანი ზიანი მიაყენა მუნიციპალიტეტის სოფლებს. პირვანდელი სახის დაბრუნება კი გარკვეულ დროსთან არის დაკავშირებული, თუმცა აქტიური და ინტენსიური მუშაობის ფონზე მალე, სასიკეთოდ, შეიცვლება ვითარება.

Related posts

ონის მუნიციპალიტეტის მერის მოადგილე- ლევან შერაზადიშვილი მურმან ლებანიძის სახელობის პრემიით ახალგაზრდების და სოფლის ერთგული უხუცესის დაჯილდოების ღონისძიებას დაესწრო

ქალაქ ონში, გიგა ჯაფარიძის სახელობის კულტურის სახლში, ონის მუნიციპალიტეტის მერიის მხარდაჭერით ტრიო “აპრილიას” კონცერტი გაიმართება

თავისუფალი სტილით ჭიდაობაში, მსოფლიოს ვიცე ჩემპიონს გიორგი მეშვილდიშვილს, გულშემატკივრებმა, მშობლიურ ქალაქში, დახვედრა მოუწყვეს