ონის მუნიციპალიტეტში, სოფლის მხარდაჭერის პროგრამის ფარგლებში შეხვედრები გრძელდება

მუნიციპალიტეტის მერის მოადგილე – ლევან შერაზადიშვილი, საკრებულოს თავმჯდომარე ბაჩანა მარკოიშვილთან და მერის წარმომადგენელთან ერთად წედისის ადმინისტრაციულ ერთეულებში სოფლის მოსახლეობას შეხვდა და პროგრამის ფარგლებში განსახორციელებელი პროექტები განიხილეს.

აღნიშნული პროგრამის ფარგლებში, მოსახლეობასთან შეხვედრებზე შემდეგი პრიორიტეტები განისაზღვრა:

სოფელი ირი – წყლის სისტემის რეაბილიტაცია, სკვერის კეთილმოწყობა;

სოფელი წედისი – წყლის სისტემის რეაბილიტაცია;

სოფელი სხანარი – სანიაღვრე არხის კეთილმოწყობა;

სოფელი ქვედი – სანიღვრე არხის და გარე განათების კეთილმოწყობა;

სოფელი ქვედრულა – წყლის სისტემის რეაბილიტაცია.

აღნიშნული პროგრამა, ხელს უწყობს მოქალაქეთა ჩართულობის გაზრდას, როგორც მათი სოფლისთვის მნიშვნელოვანი საკითხების მოგვარებაში, ასევე, თემის პრიორიტეტებისა და სამომავლო განვითარების მიმართულების განსაზღვრაში.