რაჭა-ლეჩხუმ ქვემო სვანეთის სახელმწიფო რწმუნებულმა – პაპუნა მარგველიძემ, ონის მუნიციპალიტეტის მერმა – სერგი ხიდეშელმა, მოადგილეებთან და შესაბამისი პირველადი სტრუქტურული ერთეულის წარმომადგენელ პირებთან ერთად, სოფელ ლაგვანთაში მდინარე საკაურაზე, 2020 წლის 28-29 ივლისის სტიქიის შედეგად დაზიანებული სახიდე გადასასვლელის სამშენებლო სამუშაოები მოინახულეს.
აღნიშნულ სამუშაოებს კონტრაქტორი კომპანია შპს “ხიდმშენი 99“ ასრულებს.
პროექტის ფარგლებში, დაგეგმილია სანაპირო ბურჯების მონოლითური რკინა-ბეტონით საყრდენი კედლების მოწყობა, ქვაბულის ძირში და პერიმეტრზე გრუნტის დამუშავება, ქვიშა-ხრეშოვანი და ბეტონის მოსამზადებელი ფენის მოწყობა.
სამშენებლო სამუშაოები, სახელმწიფო ბიუჯეტიდან სტიქიის სალიკვიდაციო ღონისძიებების ფონდიდან ფინანსდება, რომლის ჯამური ღირებულება 387 551 ლარს შეადგენს და მისი დასრულება 2022 წლის მაისში იგეგმება