ონის მუნიციპალიტეტში საინფორმაციო შეხვედრა გაიმართა

06.12.2021წ.

6 დეკემბერს ონის მუნიციპალიტეტის მერის მოადგილე ლევან შერაზადიშვილი და ონის მუნიციპალიტეტის განათლების, კულტურის, სპორტის, ახალგაზრდობის საქმეთა, სოციალური და ჯანმრთელიობის დაცვის სამსახურის ხელმძღვანელი მანანა ჩაგელიშვილი სტუდენტური პარლამენტის დამფუძნებლებს ანზორ მეგრელიშვილს და გიგა გლუნჩაძეს შეხვდნენ.
შეხვედრაზე ისაუბრეს არასამთავრობო ორგანიზაციის (Icsu – დამოუკიდებელ ბავშვთა და სტუდენტთა გაერთიანება )და სტუდენტური პარლამენტის მიერ წარმატებით განხორციელებული არაერთი პროექტის შესახებ, იმსჯელეს მსგავსი ტიპის პროექტების მნიშვნელობასა და აუცილებლობაზე, განსაკუთრებით, საუბარი ტურიზმის განვითარებასა და აღნიშნულ სფეროში ახალგაზრდების ჩართულობას შეეხო.
ერთ-ერთი ასეთი წარმატებული პროექტია „გაიცანი მსოფლიო და განავითარე შენი რაიონი – შენი ქალაქი“ .
მსგავსი პროექტები ხელს უწყობს ტურიზმის განვითარებას და ახალგაზრდებს მისცემს შესაძლებლობას თვითონ მიიღონ მონაწილეობა მხარისათვის სასიკეთო პროცესების წარმართვაში.
ონის მუნიციპალიტეტის მერის მოადგილემ ლევან შერაზადიშვილმა მადლობა გადაუხადა ‘სტუდენტური პარლამენტის დამფუძნებლებს სტუმრობისთვის, საინტერესო ინფორმაციისთვის, მათ მიერ განხორციელებული საქმიანობისთვის და გამოთქვა მზაობა სამომავლო თანამშრომლობასა და მხარდაჭერისათვის

Related posts

რაჭა-ლეჩხუმ ქვემო სვანეთის სახელმწიფო რწმუნებულის პირველი მოადგილე ქრისტინა კობახიძე, ადგილობრივი ხელისუფლების წარმომადგენლებთან ერთად, ამირან სხიერელის ხსოვნისადმი მიძღვნილ საკალათბურთო ტურნირის გახსნას დაესწრო

2024-2025 სასწავლო წლის მეორე სემესტრის წარმატებული სტუდენტებისთვის ონის   მუნიციპალიტეტის მერის სტიპენდიის მინიჭების კონკურსი დაიწყო

ქალაქ ონის სასპორტო სკოლის კომპლექსში გაიმართება ევროპის ჩემპიონთა თასის მფლობელის, თბილისის დინამოს“ მწვრთნელის,საერთაშორისო კლასის სპორტის ოსტატის,საქართველოს დამსახურებული მწვრთნელის, ღირსების ორდენის კავალერის – ამირან სხიერელის ხსოვნისადმი მიძღვნილი რესპუბლიკური ტურნირი კალათბურთში