ონის მუნიციპალიტეტში, მერიის საკონფერენციო დარბაზში გაიმართა შემაჯამებელი ღონისძიება “ორბელიანი საქართველო”-ს პროექტის: “მეტი ცვლილება, მეტი შესაძლებლობა რაჭა-ლეჩხუმსა და ქვემო სვანეთის რეგიონში”

აღნიშნული პროექტი UNDP-ის მხარდაჭერით და ადგილობრივი მუნიციპალიტეტების თანადაფინანსებით განხორციელდა ონში, ლენტეხში და ცაგერში მცხოვრები ახალგაზრდებისთვის.

პროექტში 70-მდე ახალგაზრდა იყო ჩართული, რომლებმაც ტრენინგების გავლის და Საინფორმაციო შეხვედრების შემდეგ მონაწილეობა მიიღეს იდეების კონკურსში.

გამარჯვებული ექვსი იდეიდან, თითოეული იდეა თანადაფინანსებული იყო 4.000 ლარით UNDP-სგან, 1.600 ლარით მუნიციპალიტეტისგან, ხოლო ინიციატივის განხორციელებისთვის დარჩენილი თანხა იდეების ავტორებმა სახალხო დაფინანსების გზით, www.orbelianimeti.ge-ს საიტზე შეაგროვეს.

კონკურსის გამარჯვებულმა იდეებმა სახალხო დაფინანსებით, საგანმანათლებლო სივრცეები, ლაბორატორიები, კულტურულ-სოციალური ადგილები, ახალი შესაძლებლობები და საინტერესო გამოცდილებები შექმნეს.