06,08,2019
მიმდინარე წლის 6 აგვისტოს,ონის მუნიციპალიტეტის მერის მოადგილე ეკა მაისურაძე მერიის წარმომადგენლებთან ერთად შეუბნის ადმინისტრაციული ერთეულის სოფელ წოლის მოსახლეობას შეხვდა.
შეხვედრა დაიგეგმა „სოფლის მხარდაჭერის პროგრამის“ ფარგლებში 2020 წლისთვის შესარჩევ პრიორიტეტულ პროექებთან დაკავშირებით.
შეხვედრის სეზონურობა მიზანმიმართულად დაემთხვა აგვისტოს თვეს, რათა პროექტების შერჩევაში მონაწილეობა, მუდმივ მაცხოვრებლებთან ერთად, მიიღონ სეზონურმა მაცხოვრებლებმაც და მაქსიმალურად იქნეს გათვალისწინებული დაინტერესებულთა აზრი.
სოფელ წოლაში შეხვედრაზე საუბარი შეეხო სოფლისათვის აქტუალურ საკითხებს, როგორებიცაა ტყეკაფში მიმავალი გზების მოწესრიგება და საშეშე მერქნის დროული მობეჭვდა,ასევე მიწის რეგისტრაციისა და წყალმომარაგების პრობლემის საკითხი. შესაძლებლობის ფარგლებში დაიგეგმა ქმედითი ნაბიჯები აღნიშნული პრობლემების მოსაგვარებლად.
შეხვედრაზე ასევე განიხილეს მიმდინარე, დასრულებული და მომავალ წელს დაგეგმილი ინფრასტრუქტურული პროექტები.
შეხვედრები სხვადასხვა ადმინისტრაციულ ერთეულებში უწყვეტ რეჟიმში გაგრძელდება.