ონის მუნიციპალიტეტის მერი სერგი ხიდეშელი საკრებულოს სხდომაზე 2024 წლის ანგარიშით წარსდგა

24.04.2025წ.

ონის მუნიციპალიტეტის მერი სერგი ხიდეშელი საკრებულოს სხდომაზე 2024 წლის ანგარიშით წარსდგა.
სხდომას საკრებულოს თავმჯდომარე ბაჩანა მარკოიშვილი უძღვებოდა.
ანგარიშის პრეზენტაციას საკრებულოს წევრებთან ერთად მერის მოადგილეები ესწრებოდნენ.
სერგი ხიდეშელის საინფორმაციო ანგარიში მოიცავდა ყველა იმ საკითხს, რომელიც აღმასრულებელი და საკანონმდებლო ორგანოების კოორდინირებული მუშაობის შედეგად ბოლო ერთი წლის განმავლობაში განხორციელდა.
მერმა, ძირითადი აქცენტი ბიუჯეტის პარამეტრებზე, ინფრასტრუქტურულ პროექტებზე, სოციალურ და ჯანდაცვის პროგრამებზე, კულტურულ – საგანმანათლებლო, ახალგაზრდულ ღონისძიებებსა და მუნიციპალიტეტში განხორციელებულ სხვადასხვა პროექტებზე გაამახვილა და 2025 წელს დაგეგმილი მნიშვნელოვანი პროექტები დააანონსა, რომლებიც ცენტრალურ და რეგიონულ ხელისუფლებასთან თანამშრომლობის შედეგად იქნება მიღწეული.
წარმომადგენლობითმა ორგანომ ამომწურავი ინფორმაცია მიიღო ყველა იმ მიმდინარე და გარდამავალ პროექტზე, რომლიც მუნიციპალიტეტში ხორციელდება.
ანგარიშის მოსმენის შემდეგ, სხდომა კითხვა-პასუხის რეჟიმში წარიმართა. საკრებულოს წევრებმა სერგი ხიდეშელის 2024 წლის მუშაობის ანგარიში დადებითად შეაფასეს. მადლობა გადაუხადეს ამომწურავი ინფორმაციისთვის და მუნიციპალიტეტის მასშტაბით განხორციელებული მნიშვნელოვანი პროექტებისთვის.
“ ყველა ის პროექტი, რომელიც 2024 წელს ონის მუნიციპალიტეტის მერიის მიერ განხორციელდა და სამომავლოდ განხორციელდება, მოსახლეობის ცხოვრების დონის გაუმჯობესებისკენ იქნება მიმართული და მათ კეთილდღეობაზე აისახება.”, – განაცხადა სხდომაზე სერგი ხიდეშელმა.

Related posts

რაჭა-ლეჩხუმ ქვემო სვანეთის სახელმწიფო რწმუნებულის ადმინისტრაციისა და ონის მუნიციპალიტეტის მერიის მხარდაჭერით, ბეე-რშევას სახელობის პარკში მასშტაბური სპორტული ფესტივალი გაიმართა

რაჭა-ლეჩხუმ ქვემო სვანეთის სახელმწიფო რწმუნებულის ადმინისტრაციისა და ონის მუნიციპალიტეტის მერიის მხარდაჭერით 15, 16, 17 აგვისტოს, ბეე-რშევას სახელობის პარკში მასშტაბური სპორტული ფესტივალი გაიმართება.

რაჭა-ლეჩხუმ-ქვემო სვანეთის სახელმწიფო რწმუნებულის პირველი მოადგილე ქრისტინა კობახიძე ადგილობრივი ხელისუფლების წარმომადგენლებთან ერთად, გიგა ჯაფარიძის კულტურის სახლში, ქართული სიმღერის საღამოს დაესწრო