ონის მუნიციპალიტეტის მერი – სერგი ხიდეშელი, განათლების საერთაშორისო დღესთან დაკავშირებით, რომელიც 24 იანვარს, მსოფლიო მასშტაბით უკვე მეხუთედ აღინიშნება, სოფ.უწერის საჯარო სკოლას ესტუმრა

24.01.2024წ.

ონის მუნიციპალიტეტის მერი – სერგი ხიდეშელი, განათლების საერთაშორისო დღესთან დაკავშირებით, რომელიც 24 იანვარს, მსოფლიო მასშტაბით უკვე მეხუთედ აღინიშნება, სოფ.უწერის საჯარო სკოლას ესტუმრა.
მუნიციპალიტეტის მერმა 2023 წლის ინტელექტ-ჩემპიონატში გამარჯვებულ „ეტალონი მოსწავლე“ სალომე გობეჯიშვილს საჩუქრად პლანშეტი გადასცა, ასევე საჩუქრები გადაეცათ გიორგი ბუგიანიშვილს და ბარბარე ჩიხრაძეს, რომლებმაც ჩემპიონატის მე-2 და მე-3 ადგილები დაიკავეს.
შეხვედრაზე სერგი ხიდეშელმა უკანასკნელ წლებში განათლების კუთხით მუნიციპალიტეტის მიღწევებზე და ეროვნულ გამოცდებში მაღალი შედეგების მაჩვენებელზე ისაუბრა, ასევე აღნიშნა, რომ თითოეული ინიციატივა და პროექტი, რომელიც ამ მიმართულებით ხორციელდება მიმართულია საზოგადოებისა და სახელმწიფოს საჭიროებებზე ორიენტირებული ხარისხიანი, თანასწორი, ინკლუზიური და მრავალფეროვანი განათლების უზრუნველყოფისკენ.
განათლება მშვიდობისა და მდგრადი განვითარების საფუძველს წარმოადგენს, ხოლო ახალგაზრდებში განათლების წახალისება მიზნად ისახავს მიღწეული შედეგების გამყარებას. აღნიშნა ონის მუნიციპალიტეტის მერმა.
შეხვედრაზე მუნიციპალიტეტის მერთან ერთად იმყოფებოდა, განათლების, კულტურის, სპორტის, ახალგაზრდობის საქმეთა, ბავშვის უფლებების დაცვისა და მხარდაჭერის სამსახურის ხელმძღვანელი – მანანა ჩაგელიშვილი.

Related posts

რაჭა-ლეჩხუმ ქვემო სვანეთის სახელმწიფო რწმუნებულის პირველი მოადგილე ქრისტინა კობახიძე, ადგილობრივი ხელისუფლების წარმომადგენლებთან ერთად, ამირან სხიერელის ხსოვნისადმი მიძღვნილ საკალათბურთო ტურნირის გახსნას დაესწრო

2024-2025 სასწავლო წლის მეორე სემესტრის წარმატებული სტუდენტებისთვის ონის   მუნიციპალიტეტის მერის სტიპენდიის მინიჭების კონკურსი დაიწყო

ქალაქ ონის სასპორტო სკოლის კომპლექსში გაიმართება ევროპის ჩემპიონთა თასის მფლობელის, თბილისის დინამოს“ მწვრთნელის,საერთაშორისო კლასის სპორტის ოსტატის,საქართველოს დამსახურებული მწვრთნელის, ღირსების ორდენის კავალერის – ამირან სხიერელის ხსოვნისადმი მიძღვნილი რესპუბლიკური ტურნირი კალათბურთში