08.12.2023წ.
ონის მუნიციპალიტეტის მერმა – სერგი ხიდეშელმა, ააიპ ონის მუნიციპალიტეტის მოსწავლე-ახალგაზრდობის სახლის, ახლად გარემონტებული ცეკვის წრის დარბაზი, საკრებულოს თავმჯდომარე – ბაჩანა მარკოიშვილთან და პირველადი სტრუქტურული ერთეულის ხელმძღვანელ – მანანა ჩაგელიშვილთან ერთად მოინახულა.
პროექტის ფარგლებში სარემონტო სამუშაოები ჩაუტარდა ცეკვის წრის დარბაზს და გამოსაცვლელ ოთახებს. სადაც 56 აღსაზრდელი სტანდარტთან მიახლოებულ სივრცეში განაგრძობს ვარჯიშს.
შეგახსენებთ, რომ სერგი ხიდეშელი, მიმდინარე წლის ზაფხულში, შეხვდა ბულგარეთში გამართულ საერთაშორისო ფესტივალიდან წარმატებით დაბრუნებულ მოსწავლე-ახალგაზრდობის სახლის ცეკვის წრის ბავშვებს, სადაც მერმა პატარა აღსაზრდელებს მიულოცა მიღწეული წარმატება და სრულფასოვანი სასწავლო-სააღმზრდელო გარემოს შექმნას დაპირდა.
მერის განცხადებით – მუნიციპალიტეტი ზრუნავს, ხელი შეეწყოს არაფორმალური განათლების ხელმისაწვდომობას და შექმნას გაცილებით უფრო ძლიერი, გამართული და მიმზიდველი საგანმანათლებლო გარემო, რათა მოხდეს სწავლების ხარისხის და ხელმისაწვდომობის გაუმჯობესება.