ონის მუნიციპალიტეტის მერი – სერგი ხიდეშელი საქართველოს ჭიდაობის ეროვნული ფედერაციის პრეზიდენტს – გეგა გეგეშიძეს შეხვდა

24.07.2023წ.

ონის მუნიციპალიტეტის მერი – სერგი ხიდეშელი საქართველოს ჭიდაობის ეროვნული ფედერაციის პრეზიდენტს – გეგა გეგეშიძეს შეხვდა.
ვიზიტის ფარგლებში, მუნიციპალიტეტის მერმა, ოლიმპიურ და მსოფლიოს ორგზის ჩემპიონ – დავით გობეჯიშვილთან ერთად, ფედერაციის პრეზიდენტს ქალაქის ცენტრში, ბეერშევას სახელობის პარკში, მიმდინარე ინფრასტრუქტურული პროექტი გააცნო, რომელიც დასკვნით ეტაპზეა.
შეხვედრაზე გეგა გეგეშიძემ მუნიციპალიტეტის მერს მადლობა გადაუხადა სპორტის ამ სახეობის მხარდაჭერისთვის და აღნიშნა, რომ – არსებული საჭიდაო დარბაზი, სრულად აკმაყოფილებს მაღალი დონის ტურნირის ჩატარებისთვის საჭირო მოთხოვნებს.
შეხვედრის დასასრულს მუნიციპალიტეტის მერმა, ჭიდაობის ეროვნული ფედერაციის წარმომადგენლებს მადლობა გადაუხადა სტუმრობისთვის და განაცხადა, რომ სპორტზე ზრუნვა და მისი განვითარება იყო და კვლავაც რჩება ჩვენს პრიორიტეტად. საუბრისას სერგი ხიდეშელმა ხაზი გაუსვა, ეროვნულ და საერთაშორისო დონის ტურნირებზე ონელი ახალგაზრდების მიღწევებს, რომელიც დადებით გავლენას ახდენს სპორტის ამ სახეობაში მოვარჯიშე სასპორტო სკოლის აღსაზრდელებზე.

Related posts

რაჭა-ლეჩხუმ ქვემო სვანეთის სახელმწიფო რწმუნებულის ადმინისტრაციისა და ონის მუნიციპალიტეტის მერიის მხარდაჭერით, ბეე-რშევას სახელობის პარკში მასშტაბური სპორტული ფესტივალი გაიმართა

რაჭა-ლეჩხუმ ქვემო სვანეთის სახელმწიფო რწმუნებულის ადმინისტრაციისა და ონის მუნიციპალიტეტის მერიის მხარდაჭერით 15, 16, 17 აგვისტოს, ბეე-რშევას სახელობის პარკში მასშტაბური სპორტული ფესტივალი გაიმართება.

რაჭა-ლეჩხუმ-ქვემო სვანეთის სახელმწიფო რწმუნებულის პირველი მოადგილე ქრისტინა კობახიძე ადგილობრივი ხელისუფლების წარმომადგენლებთან ერთად, გიგა ჯაფარიძის კულტურის სახლში, ქართული სიმღერის საღამოს დაესწრო