ონის მუნიციპალიტეტის მერი – სერგი ხიდეშელი, მოადგილე – ლევან შერაზადიშვილთან ერთად, მუნიციპალიტეტში მცხოვრებ ახალგაზრდებს შეხვდა

06.05.2022წ.

5  მაისს ონის მუნიციპალიტეტის მერი – სერგი ხიდეშელი, მოადგილე – ლევან შერაზადიშვილთან ერთად, მუნიციპალიტეტში მცხოვრებ ახალგაზრდებს შეხვდა.

შეხვედრის მიზანი იყო ახალგაზრდების ინიციატივების მხარდაჭერა, მათი მონაწილეობისა და ჩართულობის გაზრდა, როგორც მიმდინარე პროგრამებში, ისე ახალგაზრდული პოლიტიკის  დაგეგმვასა და გადაწყვეტილების მიღების პროცესებში.

შეხვედრა ძირითადად კითხვა-პასუხის რეჟიმის ფორმატში ჩატარდა და ახალგაზრდებმა თავიანთი საჭიროებებისა და იდეების შესახებ ისაუბრეს.

ონის მუნიციპალიტეტის მერიის ხელმძღვანელი პირებისთვის პრიორიტეტულია ახალგაზრდული საქმიანობის განვითარების ხელშეწყობა, სხვადასხვა ასაკობრივი ჯგუფების საჭიროებებისა და ინტერესების იდენტიფიცირება, ასევე ახალგაზრდული საქმიანობის მიმართულებების განვითარებისთვის აუცილებელი ღონისძიებების დაგეგმვა და შემუშავება.

“დღევანდელი შეხვედრის ინიციატივა ახალგაზრდებისგან მოდის და მიხარია, რომ საშუალება გვაქვს მოვისმინოთ მათი აზრი იმ პრობლემებზე, რომლებიც ახალგაზრდებს  აწუხებთ. ჩვენი სურვილია გამოვძებნოთ ახალი შესაძლებლობები მათ დასახმარებლად“- განაცხადა ონის მუნიციპალიტეტის მერმა.

მსგავსი საინფორმაციო შეხვედრები ახალგაზრდების სხვადასხვა ასაკობრივ ჯგუფებთან მომავალშიც იგეგმება.

Related posts

რაჭა-ლეჩხუმ ქვემო სვანეთის სახელმწიფო რწმუნებულის პირველი მოადგილე ქრისტინა კობახიძე, ადგილობრივი ხელისუფლების წარმომადგენლებთან ერთად, ამირან სხიერელის ხსოვნისადმი მიძღვნილ საკალათბურთო ტურნირის გახსნას დაესწრო

2024-2025 სასწავლო წლის მეორე სემესტრის წარმატებული სტუდენტებისთვის ონის   მუნიციპალიტეტის მერის სტიპენდიის მინიჭების კონკურსი დაიწყო

ქალაქ ონის სასპორტო სკოლის კომპლექსში გაიმართება ევროპის ჩემპიონთა თასის მფლობელის, თბილისის დინამოს“ მწვრთნელის,საერთაშორისო კლასის სპორტის ოსტატის,საქართველოს დამსახურებული მწვრთნელის, ღირსების ორდენის კავალერის – ამირან სხიერელის ხსოვნისადმი მიძღვნილი რესპუბლიკური ტურნირი კალათბურთში