ონის მუნიციპალიტეტის მერიაში სამუშაო შეხვედრა გაიმართა მეწარმეებთან

02.04.2021წ.

ონის მუნიციპალიტეტის მერიაში სამუშაო შეხვედრა გაიმართა მეწარმეებთან.
2 აპრილს, ონის მუნიციპალიტეტის მერმა დავით ჩიკვაიძემ, საკრებულოს თავმჯდომარემ შუქურა ჯაფარიძემ, მოადგილეებთან ერთად , გაფართოებული სამუშაო შეხვედრა გამართეს შპს “იერი”, შპს „ ცოტნე“, , შპს „ ამს ტექნიკსი“, შპს “ექსპერტიზა მშენებლობა დიზაინი” , შპს „ ორვო“, შპს „ რაჭა 2005“, შპს „ დელტმშენი’’ წარმომადგენლებთან და სოფლის რწმუნებულებთან.
შეხვედრაზე განიხილეს ონის მუნიციპალიტეტის თითოეულ ადმინისტრაციულ ერთეულში, სოფლის მხარდაჭერის პროგრამის ფარგლებში შერჩეული პროექტების განხორციელებისთვის საჭირო და აუცილებელი საკითხები .
ისაუბრეს ინფრასტრუქტურულ ობიექტებზე სტიქიის სალიკვიდაციო სამუშაოების მიმდინარეობასთან დაკავშირებულ საკითხებზე, განსაკუთრებული ყურადღება დაეთმო გიგა ჯაფარიძის სახელობის ბულვარის რეაბილიტაციას, ასევე ისაუბრეს შესრულებული და მიმდინარე სამუშაოების ხარისხზე , ვადებზე და სხვა მნიშვნელოვან თემებზე.
შეხვედრას ესწრებოდნენ მერიის ზედამხედველობის სამსახურის, სამშენებლო სარემონტო სამუშაოების ინსპექტირების მონიტორინგის სამუშაო ჯგუფის, ასევე სივრცითი მოწყობის და ინფრასტრუქტურის სამსახურის წარმომადგენლები.

Related posts

ონის მუნიციპალიტეტის მერის მოადგილე- ლევან შერაზადიშვილი მურმან ლებანიძის სახელობის პრემიით ახალგაზრდების და სოფლის ერთგული უხუცესის დაჯილდოების ღონისძიებას დაესწრო

ქალაქ ონში, გიგა ჯაფარიძის სახელობის კულტურის სახლში, ონის მუნიციპალიტეტის მერიის მხარდაჭერით ტრიო “აპრილიას” კონცერტი გაიმართება

თავისუფალი სტილით ჭიდაობაში, მსოფლიოს ვიცე ჩემპიონს გიორგი მეშვილდიშვილს, გულშემატკივრებმა, მშობლიურ ქალაქში, დახვედრა მოუწყვეს