მეოთხე დღეა კურორტ შოვში სტიქიის ზონაში სალიკვიდაციო სამუშაოები ინტენსიურად გრძელდება

07.08.2023წ.

მეოთხე დღეა კურორტ შოვში სტიქიის ზონაში სალიკვიდაციო სამუშაოები ინტენსიურად გრძელდება.
სტიქიის ეპიცენტრში დილიდან იმყოფებოდნენ საკანონმდებლო, აღმასრულებელი და ადგილობრივი ხელისუფლების წარმომადგენლები, ისინი პირადად ხვდებიან ადგილობრივ მოსახლეობას და იმ ადამიანების ოჯახის წევრებს რომელთა სამძებრო სამუშაოებიც ამ დრომდე მიმდინარეობს.
ამ ეტაპისათვის მობილიზებულია 78 ერთეული მძიმე ტექნიკა.
ტექნიკის მობილიზება და მუშაობა, საძიებო სამუშაოებისათვის, მიმდინარეობს შინაგან საქმეთა სამინისტროს საგანგებო სიტუაციების მართვის სამსახურის მიერ განსაზღვრულ პრიორიტეტულ 7 მდებარეობაზე.
ამასთან, დროებითი ხიდის მიმდებარედ, გრძელდება მდინარის კალაპოტის ფორმირებისა და მჟავე წყლებთან შემოვლითი გზის მოწყობის სამუშაოები.
ძებნისა და კალაპოტის გაწმენდის სამუშაოები მიმდინარეობს მდინარე ბდღვიორაზეც.
დამატებითი და გაფართოვებული დავალებებისათვის, ადგილზე მობილიზებულია დამატებითი რესურსი.

Related posts

ტურისტული სეზონი ოფიციალურად ონის მუნიციპალიტეტში 23 ივნისს გაიხსნება

რაჭა-ლეჩხუმ ქვემო სვანეთის სახელმწიფო რწმუნებულმა პაპუნა მარგველიძემ, ონის მუნიციპალიტეტის სოფელ ფარახეთში, სოფლამდე მისასვლელი გზის სარეაბილიტაციო სამუშაოები დაათვალიერა

რაჭა-ლეჩხუმ ქვემო სვანეთის სახელმწიფო რწმუნებული პაპუნა მარგველიძე, ონში სახელაშვილის დასახლების მიმდებარე ტერიტორიის სარეაბილიტაციო სამუშაოებს გაეცნო