ზემო იმერეთისა და ონის დამაკავშირებელი გზის მშენებლობა დაწყებულია.

2018 წლის 7 თებერვალს, ონის მუნიციპალიტეტის მერიის ადმინისტრაციულ შენობაში საქართველოს საავტომობილო გზების დეპარტამენტმა განიხილა სახელმწიფო მნიშვნელობის, ზემო იმერეთისა და ონის დამაკავშირებელი გზის მშენებლობის საკითხი. აღნიშნული პროექტის 55 კილომეტრიანი გზის მშენებლობა დაწყებულია. სამუშაო მიმდინარეობს შემდეგი მიმართულებით: გზის საწყისი წერტილი სარეკი-საჩხერე, ქვემო ხევი-უზუმთა-შქმერი-უშოლთა-ბოყვა-ზუდალი. აღიშნული პროექტი რეგიონის თითოეულ მცხოვრებს მნიშვნელოვნად გაუმარტივებს დედაქალაქთან კავშირს . საჩხერე – ონის საავტომობილო გზის პროექტის დასრულება იგეგმება 17 თვეში.ასევე განხილული იქნა: შიდასახელმწიფოებრივი მნიშვნელობის, საგლოლო-ჭიორა-ღების საავტომობილო გზის მე-12 კმ-ზე, მდ. ჩვეშურაზე სახიდე გადასასვლელის მშენებლობა. ხიდი 32 მეტრის სიგრძის და 7 მეტრი სიგანის იქნება , არსებული ხიდის დემონტაჟი მოხდება მას შემდეგ, რაც ახალი ხიდი შევა ექსპლუატაციაში. ხიდის მშენებლობის დასრულება იგეგმება მიმდინარე წლის ბოლოს.
შეხვედრას ესწრებოდნენ ონის მუნიციპალიტეტის მერი – ემზარ საბანაძე, ონის მუნიციპალიტეტის საკრებულოს თავმჯდომარე – შუქურა ჯაფარიძე და შესაბამისი სამსახურის წარმომადგენლები.

Related posts

ონის მუნიციპალიტეტის მერის მოადგილე- ლევან შერაზადიშვილი მურმან ლებანიძის სახელობის პრემიით ახალგაზრდების და სოფლის ერთგული უხუცესის დაჯილდოების ღონისძიებას დაესწრო

ქალაქ ონში, გიგა ჯაფარიძის სახელობის კულტურის სახლში, ონის მუნიციპალიტეტის მერიის მხარდაჭერით ტრიო “აპრილიას” კონცერტი გაიმართება

თავისუფალი სტილით ჭიდაობაში, მსოფლიოს ვიცე ჩემპიონს გიორგი მეშვილდიშვილს, გულშემატკივრებმა, მშობლიურ ქალაქში, დახვედრა მოუწყვეს